Sigríður Björk Þormar
Eigandi og framkvæmdastjóri
Eigandi og framkvæmdastjóri
Sigríður tekur ekki við nýjum skjólstæðingum í bili.
Sigríður sinnir meðferð fullorðinna við sálrænum vanda og sérlega afleiðingum áfalla.
Sigríður hlaut löggildingu sem hjúkrunarfræðingur frá HÍ árið 1994 og vann lengst af á slysa- og bráðamóttöku Landspítalans. Í kjölfarið hóf hún störf hjá Rauða krossi Íslands og vann að stofnun áfallahjálparteymis Rauða krossins.
Sigríður hefur lokið BSc námi í Sálfræði frá Háskólanum á Akureyri og Mastersnámi í heilsu og klínískri sálfræði frá Háskólanum í Leiden, Hollandi og hefur jafnframt kennt sálfræði við sama háskóla.
Árið 2015 lauk hún doktorsnámi í Áfallasálfræði (Psychotraumatology) við University of Amsterdam og geðdeild Academic Medical Center í Amsterdam undir handleiðslu Prof. Dr. Miröndu Olff og hlaut nafnbótina Doktor í Læknavísindum.
Sigríður lauk sérfræðinámi í hugrænni atferlismeðferð við Háskóla Íslands og Oxford Center for Cognitive Behavioral Therapy árið 2017 og þjálfun í notkun EMDR meðferðarúrræðisins árið 2014.
Sigríður hefur unnið að þjálfun, kennslu og verkefnavinnu fyrir Alþjóða samband Rauða krossins og Rauða hálfmánans (IFRC) í Genf. Einnig er hún partur af viðbragðsteymi IFRC sem bregst við á fyrstu klukkutímunum eftir hamfarir þar sem hún hefur sinnt uppsetningu og mati á sálrænum verkefnum fyrir þolendur.
Sigríður hefur unnið við mat á geðaðstoð í sumum af stærri hamförum sem við þekkjum s.s. tsunami í Indonesiu og Thailandi árið 2004, í kjölfar jarðskjálftans á Haiti árið 2010, Ebola faraldursins í Vestur-Afríku árið 2015 og jafnframt starfaði hún sem samhæfingaraðili sálræns stuðning í Úkraínu og samliggjandi landa – ásamt starfa að öðrum minni atburðum.
Ásamt því að reka Sálfræðingana ehf. hefur Sigríður kennt við Háskólann í Reykjavík, Háskólann á Akureyri og við Sjúkraflutningaskólann. Sigríður hefur unnið ötullega að þjálfun viðbragðsaðili í neyðarþjónustu á Íslandi og komið að uppbyggingu félagastuðnings þeirra hópa. Sigríður var starfandi stjórnarformaður Pieta samtakanna frá 2020 – 2024.
Doktorsverkefni Sigríðar fjallaði um áfallastreitu björgunarfólks eftir hamfarir og erfið útköll.
Rannsóknina má nálgast hér.
Einnig hefur Sigríður gert rannsókn fyrir Evrópusambandið á gæðum sálrænna stuðningsverkefna sem sett hafa verið upp eftir hamfarir í Evrópu og þróaði hún meðal annars mælitæki sem nota má til að meta verkefni eða undirbúa viðbragðsaðila fyrir slík verkefni.
Eftir Ebolu faraldurinn mikla í Vestur-Afríku árið 2015, Sierra Leone, Guinea og Líberíu var Sigríður einnig beðin um að gera rannsókn á andlegri heilsu starfsfólks og sjálfboðaliða sem unnið höfðu að því að hefta útbreiðslu sjúkdómsins. Samantekt á rannsókninni má nálgast hér.
Árið 2018 stýrði Sigríður samanburðarrannsókn frá Háskólanum í Reykjavík á líðan lögreglu, slökkviliðs- og sjúkraflutninga og björgunarsveitamanna sem enn er verið að vinna úr.