Sálfræðingarnir Lynghálsi taka að sér að þjónusta fyrirtæki með sálrænan stuðning og fræðslu og hafa sum okkar margra ára reynslu á því sviði. Til þess er gerður sérstakur þjónustusamningur við fyrirtækið.

Við höfum lagt sérstaka áherslu á þjónustu við viðbragðsaðila í neyðar- og ferðaþjónustu og erum með samning við Rauða kross Íslands þar sem sálfræðingarnir okkar hljóta sérstaka vettvangsþjálfun sem meðlimir í áfallahjálparteymi þeirra.

Samvinnan gengur út á nokkra þætti – mismunandi eftir fyrirtækjum:

  • Viðtöl á stofu og stuðningur við starfsmenn eða viðskiptavini fyrirtækisins gegn vægara gjaldi
  • Fræðsla til fyrirtækisins um sálrænan stuðning og viðbrögð við áföllum eða erfiðum uppákomum sem átt geta sér stað á vinnustað. Ásamt því að gera starfsfólk mun betur undirbúið undir að takast á við erfiða atburði er upp geta komið og er markmiðið að byggja upp þrautseigju og efla forvarnir
  • Inngrip og/eða fræðsla í tengslum við eineltis eða samskiptavanda.
  • Námskeiðshald
  • Sinna útkallsþjónustu ef erfiðar uppákomur verða þar sem þörf gæti verið á aðstoð strax. Sálfræðingur er alltaf á vakt og með útkallssíma.
Hafðu samband

Skildu eftir skilaboð til okkar og við munum hafa samband við þig eins fljótt og mögulegt er.

Ekki læsilegt? Breyta texta. captcha txt

Start typing and press Enter to search

%d bloggers like this: