Kristján er sálfræðingur sem sinnir greiningu og meðferð unglinga og fullorðinna. Hann sérhæfir sig í meðferð þunglyndis og kvíðaraskanna með áherslu á langvinn þunglyndiseinkenni og almennan kvíða. Kristján vinnur jafnframt með sálræn áföll og sorg, streitu, lágt sjálfsmat, heilsukvíða og reiðivanda svo dæmi séu nefnd

Kristján vinnur að doktorsgráðu í klínískri sálfræði við Háskóla Íslands og kemur að kennslu við sálfræðideild háskólans. Í doktorsnámi sínu rannsakar hann áhættuþætti fyrir þróun og bakslag þunglyndis og hvernig sálræn meðferð getur dregið úr áhættu á endurteknu þunglyndi.

Kristján beitir einkum hugrænni atferlismeðferð en beitir einnig núvitund ásamt öðrum sannprófuðum meðferðum – allt eftir þörfum hvers og eins.

Í meðferð leggur Kristján kapp á að koma til móts við þarfir skjólstæðinga og mæta þeim þar sem þeir eru staddir. Jafnframt að bera kennsl á og rækta styrkleika þeirra.

Menntun og störf

Kristján útskrifaðist með Cand.Psych. gráðu frá Háskóla Íslands þar sem hann hlaut starfsþjálfun á Laugarásnum – meðferðargeðdeild fyrir ungt fólk með geðrofssjúkdóma. Þar sinnti hann greiningum, einstaklingsviðtölum og hópmeðferð. Kristján hefur auk þess starfað sem ráðgjafi á réttar- og öryggisgeðdeild á Kleppi.

Sendu Kristjáni skilaboð

Hafðu samband

Skildu eftir skilaboð til okkar og við munum hafa samband við þig eins fljótt og mögulegt er.

Ekki læsilegt? Breyta texta. captcha txt

Start typing and press Enter to search

%d bloggers like this: