Jóhanna Kristín sinnir meðferð fullorðinna einstaklinga og ungmenna og miðar skjólstæðingahópinn við aldurinn eftir að grunnskóla lýkur. Hún hefur sinnt meðferð við kvíða, lágu sjálfsmati, depurð og afleiðingum áfalla. Hún hefur mikinn áhuga á að aðstoða fólk við að takast á við breytingar í lífi sínu og yfirstíga hindranir sem hamla lífsgæðum og almennri vellíðan.

Jóhanna Kristín tekur að sér ADHD greiningar barna á grunnskólaaldri. Hún kemur einnig að ráðgjöf til fyrirtækja í samvinnu við aðra sálfræðinga teymisins.

Jóhanna Kristín fékk sálfræðiréttindi árið 2004 frá Háskóla Íslands og hefur starfað við barnageðvernd í um tólf ár. Hún starfaði á göngudeild Barna- og unglingageðdeildar LSH frá 2005-2011 í almennu teymi og bráðateymi. Þar sinnti hún greiningum og meðferð helstu geð- og hegðunarraskana barna og unglinga og veitti foreldrum ráðgjöf. Hún sinnti samráðskvaðningu og var ráðgefandi sálfræðingur við Barnaspítala Hringsins. Jóhanna Kristín kom á fót meðferðarúrræðinu ,,Heilsuhópur‘‘ fyrir unglinga í yfirþyngd í samvinnu við fagaðila BUGL og var í forsvari rannsóknar á gagnsemi þess.

Jóhanna Kristín hóf sjálfstæðan rekstur eigin stofu, Barnageð sálfræðistofu og starfrækti hana á árunum 2011-2015. Stofan var fyrst staðsett í Lækningu, svo hjá Sálfræðingum Höfðabakka og síðast í Bæjarlind Kópavogi.

Haustið 2015 gerði Jóhanna Kristín hlé á rekstri Barnageðs sálfræðistofu og hóf meistaranám í menningarstjórnun við Háskólann á Bifröst. Á námstímanum var hún jafnframt sálfræðingur háskólans og veitti nemendum og starfsfólki skólans sálfræðiþjónustu sem fólst í einstaklingsviðtölum, handleiðslu og námskeiðahaldi.

Jóhanna Kristín hefur víða haldið fyrirlestra og erindi fyrir fagaðila og almenning. Má þar nefna:

  • Birtingarmynd kvíða hjá börnum
  • Reiðivandi barna
  • EMDR og meðferð barna
  • Sjálfsmynd og líðan
  • Sjálfstraust og samskipti
  • Samskipti og samvinna í teymum

Jóhanna Kristín hefur mikla viðbótarmenntun á sviði meðferðarsálfræði og nýtir þær aðferðir sem hún telur henta hverjum skjólstæðingi og þeim vanda sem hann er að takast á við. Má þar nefna aðferðir hugrænnar atferlismeðferðar, EMDR áfallameðferð og klíníska dáleiðslu. Hún er meðlimur í Félagi sjálfstætt starfandi sálfræðinga (FSS) og Dáleiðslufélagi Íslands (DÍ).

Menntun:

2017 – MA í menningarstjórnun frá Háskólanum á Bifröst
2015 – Alhliða þjálfun í klínískri dáleiðslu hjá Dr. Michael Yapko í samstarfi við EHÍ
2011 – EMDR áfallameðferð Level 1 og 2 á vegum HAP organization
2008- Sérnám í Hugrænni atferlismeðferð hjá Oxford Cognitive Center í samstarfi við EHÍ
2004- Cand Psych námsgráða í Sálfræði frá Háskóla Íslands
2001- BA í Sálfræði frá Háskóla Íslands

Rannsóknir:

2017 – ,,Hvaða augum lít ég sjálfa mig?“ Áhrif langvarandi þátttöku ungra kvenna í kórstarfi á mótun listrænnar sjálfsmyndar, merkingarbær reynsla þeirra og væntingar til frama á sviði söngsins. Rannsókn til MA gráðu í menningarstjórnun við Háskólann á Bifröst.
2011- ,,Unglingar í yfirþyngd og fjölskyldur þeirra: Leið til betra lífs og bættrar heilsu“. Rannsókn á hópmeðferðarúrræði fyrir unglinga í yfirþyngd á BUGL.
2004- ,,Framburður barna í rannsóknarviðtali: Minnisgeta í ljósi aldurs og þroska”. Rannsókn á framburði barna í Barnahúsi til Cand Psych prófs í sálfræði við Háskóla Íslands.
2001- ,,Börn og kynferðisbrot: Framburður barns í rannsóknarviðtali, orðalag ákæru og lyktir máls“, ásamt Þorbjörgu Sveinsdóttur. Rannsókn til BA gráðu í sálfræði við HÍ.

Ritaskrá:

2009 – Journal of Forensic Psychiatry and Psychology; ,,The ability of suspected victims of Childhood
Sexual Abuse (CSA) to give evidence. Findings from the Children´s House in Iceland” (RJFP-2009-0016). Meðhöfundar; Gísli H. Guðjónsson prófessor, dr. Jón F. Sigurðsson og Þorbjörg Sveinsdóttir.

Áhugamál:

Jóhanna Kristín stundar fjallgöngur undir leiðsögn Vilborgar Örnu Gissurardóttur, hún er meðlimur í kvennakórnum Vox Feminae undir stjórn Margrétar Pálmadóttur og langar aftur að sinna olíumálun eins og hún gerði þegar hún var nemandi við Myndlistarskóla Kópavogs.

Sendu Jóhönnu skilaboð

Hafðu samband

Skildu eftir skilaboð til okkar og við munum hafa samband við þig eins fljótt og mögulegt er.

Ekki læsilegt? Breyta texta. captcha txt

Start typing and press Enter to search

%d bloggers like this: